მეგობარს ბლაგვი საგნით მრავლობითი დაზიანება მიაყენა - ხელვაჩაურში, მკვლელობის ბრალდებით 1 პირი დააკავეს
გამოქვეყნდა:
ხელვაჩაურში მომხდარი მკვლელობის საქმეზე პოლიციამ ერთი პირი განზრახ მკვლელობის ბრალდებით დააკავა.
შინაგან საქმეთა სამინისტროს ინფორმაციით, გამოძიებით დადგინდა, რომ ბრალდებულმა ხელვაჩაურის მუნიციპალიტეტში, მეგობარს - 1985 წელს დაბადებულ ა.დ.-ს, ურთიერთშელაპარაკების ნიადაგზე წარმოქმნილი დაპირისპირებისას, ბლაგვი საგნის გამოყენებით თავის არეში მრავლობითი დაზიანება მიაყენა, რის შედეგადაც იგი ადგილზე გარდაიცვალა.
მომხდარზე გამოძიება საქართველოს სისხლის სამართლის კოდექსის 108-ე მუხლით მიმდინარეობს.
დანაშაული 10-დან 15 წლამდე ვადით თავისუფლების აღკვეთას ითვალისწინებს.
