დღეს დადასტურებული 3 შემთხვევიდან ყველა შემოტანილია და სატვირთოს მძღოლია - ეზუგბაია
გამოქვეყნდა:
ინფექციური საავადმყოფოს სამედიცინო დირექტორის, მარინა ეზუგბაიას თქმით, დღეს, პირველ აგვისტოს კორონავირუსით ინფიცირებული 3 ახალი პაციენტიდან ყველა შემოტანილი შემთხვევაა.
ეს სამი ახალი დადასტურებული შემთხვევა ყველა შემოტანილი გახლავთ და არიან ყველანი სატვირთო ავტომანქანების მძღოლები, - თქვა მარინა ეზუგბაიამ.
მისი განცხადებით, ინფექციურ საავადმყოფოში 2 ახალი შემთხვევა დაემატათ და ჯამში მკურნალობას 43 პაციენტი აგრძელებს.
პირველ აგვოსტოს საქართველოში კორონავირუსით ინფიცირების 3 ახალი შემთხვევა გამოვლინდა და 7 ადამიანი გამოჯანმრთელდა.
ბოლო მონაცემებით საქართველოში:
- კორონავირუსის ინფიცირებულია - 1 171 ადამიანი;
- გამოჯანმრთელებულია - 947;
- მათ შორის გარდაცვლილია - 17;
- კარანტინის რეჟიმში რჩება - 6 588;
- სტაციონარში მეთვალყურეობის ქვეშ - 323, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
30 ივლისს მსოფლიოში კორონავირუსით ინფიცირების მაჩვენებელმა 17 მილიონს გადააჭარბა.
