ოკუპირებულ აფხაზეთში კორონავირუსის 14 ახალი შემთხვევა გამოვლინდა. ადგილობრივი მედიის ინფორმაციით, ტესტირება 222 ადამიანს ჩაუტარდა და მათგან კოვიდ-19 14 პირს დაუდასტურდა.
ამ დროისთვის, ოკუპირებულ აფხაზეთში კოვიდ 19-ით ინფიცირებულ 98 ადამიანს მკურნალობენ, სამი
პაციენტი კი გარდაცვლილია.
საქარათველოში კი Stopcov.ge-ს მონაცემების მიხედვით, პირველ აგვისტოს კორონავირუსით ინფიცირების 3 ახალი შემთხვევა გამოვლინდა და 7 ადამიანი გამოჯანმრთელდა.
ბოლო მონაცემებით საქართველოში:
- კორონავირუსის ინფიცირებულია - 1 171 ადამიანი;
- გამოჯანმრთელებულია - 947;
- მათ შორის გარდაცვლილია - 17;
- კარანტინის რეჟიმში რჩება - 6 588;
- სტაციონარში მეთვალყურეობის ქვეშ - 285, მათ შორის საქართველოში სამკურნალოდ გადმოყვანილია - 41 პაციენტი.
30 ივლისს მსოფლიოში კორონავირუსით ინფიცირების მაჩვენებელმა 17 მილიონს გადააჭარბა.
შეგახსენებთ, რომ კორონავირუსის პირველი დადასტურებული შემთხვევა საქართველოში 2020 წლის 26 თებერვალს, მსოფლიოში კი 2019 წლის 31 დეკემბერს გამოვლინდა.
