ძალიან მიხარია, რომ აქონდროპლაზიის მქონე ბავშვების მშობლები ქუჩაში ღამეს აღარ გაათენებენ - იოსელიანი
გამოქვეყნდა:
სახალხო დამცველი, აქონდროპლაზიის სინდრომის მქონე ბავშვების მშობლების გადაწყვეტილებას, კანცელარიასთან უწყვეტი პროტესტის შეწყვატის შესახებ, დადებითად აფასებს და წერს, რომ სახალხო დამცველის აპარატი გააგრძელებს გააგრძელებს ჯანდაცვის სამინისტროში იშვიათი დაავადებების საკითხზე მომუშავე საკოორდინაციო საბჭოში მუშაობას. ლევან იოსელიანი იმედოვნებს, რომ უახლოეს პერიოდში შეიქმნება აქონდროპლაზიის მართვისთვის აუცილებელი პროტოკოლი:
"ძალიან მიხარია, რომ აქონდროპლაზიის მქონე ბავშვების მშობლები ქუჩაში ღამეს აღარ გაათენებენ. ჯანდაცვის სამინისტროში არსებულ საკოორდინაციო საბჭოს მუშაობაში ჩართვის შედეგად, უკვე აქვთ გარკვეული წინსვლა თავიანთი შვილების ინტერესების სასარგებლოდ.
ჩემი მხრიდან შემიძლია დავადასტურო, რომ სახალხო დამცველის აპარატი გააგრძელებს ჯანდაცვის სამინისტროში იშვიათი დაავადებების საკითხზე მომუშავე საკოორდინაციო საბჭოში მუშაობას. იმედი მაქვს, რომ უახლოეს პერიოდში შეიქმნება აქონდროპლაზიის მართვისთვის აუცილებელი პროტოკოლი და შესაძლებელი იქნება, შესაბამისი მკურნალობით უზრუნველყოფა." წერს ლევან იოსელიანი.
შეგახსენებთ, უწყვეტი პროტესტის მე-19 დღეს, დედებმა ჯანდაცვის სამინისტროში გამართული შეხვედრის შემდეგ, აქციის შეწყვეტის გადაწყვეტილება მიიღეს.
მათი თქმით, დღევანდელი სხდომიდან გარკვეული გარანტიებით გამოვიდნენ და ახლა სამუშაო ჯგუფის მუშაობაში ჩაერთვებიან იმისთვის, რომ დ აპირებები დროულად იქცეს საქმედ.
დედების ცნობითვე, დღევანდელ შეხვედრაზე მიიღეს დაპირება, რომ პროტოკოლის დამტკიცების ვადა მაქსიმუმ 10 ივნისი იქნება.
