შინაგან საქმეთა სამინისტროს ინფორმაციით, კახეთში მომხდარი მკვლელობის საქნეზე განზრახ მკვლელობის ბრალდებით ერთი პირი დააკავეს.
უწყების ცნობით, ბრალდებულმა გურჯაანის მუნიციპალიტეტის ერთ-ერთ სოფელში, წარსულში მომხდარი კონფლიქტის ნიადაგზე, თანასოფლელი - 1991 წელს დაბადებულ თ.მ. სანადირო თოფიდან გასროლით სასიკვდილოდ დაჭრა.
სამართალდამცველებმა დანაშაულის ჩადენის იარაღი - სანადირო თოფი ნივთმტკიცების სახით ამოიღეს.
განზრახ მკვლელობის საქმეზე გამოძიება საქართველოს სისხლის სამართლის კოდექსის 108-ე მუხლით მიმდინარეობს. დანაშაული 10-15 წლამდე პატიმრობას ითვალისწინებს.
