რა სახის დარღვევები იკვეთება წინასაარჩევნო პერიოდში - "სამართლიანი არჩევნები" დღეს, 4 აგვისტოს რიგით მეორე შუალედური მონიტორინგის შედეგებს გამოაქვეყნებს. ანგარიში 5 ივლისიდან 3 აგვისტომდე პერიოდს მოიცავს.
ტენდენცია გამოვლინდა ამომრჩევლის მოსყიდვასთან დაკავშირებით, ასევე დაემატა სხვა სახის დარღვევები, როგორიცაა ადმინისტრაციული რესურსის გამოყენება, პოლიტიკური ნიშნით ზეწოლა, გვაქვს შემთხვევა, როცა სავარაუდოდ, პოლიტიკური ნიშნით არ ხდება დახმარების გაცემა ამომრჩეველზე, - ამბობს ISFED-ის დირექტორი, ელენე ნიჟარაძე.
ორგანიზაციაში აცხადებენ, რომ არის ასევე, სავარუდოდ, პოლიტიკური მოტივით სამსახურიდან გათავისუფლების ფაქტებიც.
