საქართველოში კორონავირუსის 9 ახალი შემთხვევა გამოვლინდა, გამოჯანმრთელდა 13 ადამიანი
გამოქვეყნდა:
ჩვენთან ერთად მოიპოვეთ თავისუფლება!
6 აგვისტოს საქართველოში კორონავირუსით ინფიცირების 9 ახალი შემთხვევა გამოვლინდა და 13 ადამიანი გამოჯანმრთელდა. ამის შესახებ ინფორმაციას stopcov.ge ავრცელებს.
ინფექციური საავადმყოფოს სამედიცინო დირექტორის მარინა ეზუგბაიას თქმით, 9 ახალი შემთხვევიდან 7 არის იმპორტირებული, აქედან 3 სატვირთო ავტომანქანის მძღოლი. 2 შემთხვევაზე კი წყაროს აღმოჩენის მიზნით კონტაქტების კვლევა მიმდინარეობს.
ბოლო მონაცემებით საქართველოში:
- კორონავირუსის ინფიცირებულია - 1 206 ადამიანი;
- გამოჯანმრთელებულია - 987;
- მათ შორის გარდაცვლილია - 17;
- კარანტინის რეჟიმში რჩება - 7 071;
- სტაციონარში მეთვალყურეობის ქვეშ - 294, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსით ინფიცირების მაჩვენებელმა კი 18 მილიონს გადააჭარბა.
