წინასწარი პატიმრობა შეუფარდეს კაცს, რომელიც არასრულწლოვან შშმ პირს და მის მშობელს დაემუქრა
გამოქვეყნდა:
ქუთაისის საქალაქო სასამართლომ პირს, რომელიც სოციალურ ქსელში პროტესტის გამოთქმის გამო, არასრულწლოვან შშმ პირს და მის მშობელს დაემუქრა, წინასწარი პატიმრობა შეუფარდა.
დაცვის მხარე ბრალდებულის 4 000-ლარიანი გირაოს სანაცვლოდ გათავისუფლებას ითხოვდა.
პროკურატურის ცნობით, გამოძიებით დადგინდა, რომ შშმ სტატუსის მქონე არასრულწლოვანი სოციალური ქსელით პროტესტს გამოთქვამდა შშმ პირების მიმართ განხორციელებული შესაძლო სექსუალური ძალადობის ფაქტებზე, რის გამოც ბრალდებული სიცოცხლის მოსპობით და ჯანმრთელობის დაზიანებით დაემუქრა მას და მის მშობელს.
სამართალდამცველებმა ბრალდებული 7 ივნისს დააკავეს. მას ბრალდება საქართველოს სისხლის სამართლის კოდექსის 151-ე მუხლის მეორე ნაწილის „გ“ ქვეპუნქტით (მუქარა, წინასწარი შეცნობით არასრულწლოვნის და შშმ პირის მიმართ) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.
