"თავხედი ნაზიბროლა", "უნდა მოეთხოვოს პასუხი" - მოსამართლეების შეტევა ნაზი ჯანეზაშვილზე

იუსტიციის საბჭოს მოსამართლე წევრების მორიგი შეტევა ნაზი ჯანეზაშვილზე. მოსამართლეების ნაწილი იუსტიციის საბჭოს არამოსამართლე წევრს სოციალურ ქსელში უპირისპირდება.

Facebook სტატუსებსა და კომენტარებში მოსამართლეები წერენ, რომ ჯანეზაშვილმა იუსტიციის საბჭოს ერთ ერთ წევრს, ირაკლი შენგელიას "რეგვენი" და "უსინდისო" უწოდა, რამაც შენგელიას კოლეგები გააღიზიანა.

რა შეფასება უნდა მივცე ამას? მთელი დღეა მოსამართლეები ჩემზე ღიად წერენ ამ ყველაფერს.

უბრალო ხალხი კი არაა, უვადო მოსამართლეები არიან:

➡ ნიკოლოზ მარგველაშვილი, ქუთაისის საქალაქო სასამართლოს თავმჯდომარე და უვადო მოსამართლე
➡ ვლადიმერ კაკაბაძე, უზენაესი სასამართლოს უვადო მოსამართლე
➡ დავით წერთელი, თბილისის საქალაქო სასამართლოს უვადო მოსამართლე
​➡ რევაზ ნადარაია, იუსტიციის უმაღლესი საბჭოს წევრი და თბილისის სააპელაციო სასამართლოს უვადო მოსამართლე
➡ ირაკლი შენგელია, თბილისის სააპელაციო სასამართლოს თავმჯდომარის მიხეილ ჩინჩალაძის მოადგილე, ამავე სასამართლოს უვადო მოსამართლე და იუსტიციის უმაღლესი საბჭოს წევრი.
➡ თემურ გოგოხია, თბილისის საქალაქო სასამართლოს უვადო მოსამართლე.
➡ სერგო მეთოფიშვილი, თბილისის საქალაქო სასამართლოს უვადო მოსამართლე, სამოქალაქო საქმეთა კოლეგიის თავმჯდომარე
➡ თამარ ონიანი, საბჭოს წევრი და თბილისის სააპელაციო სასამართლოს უვადო მოსამართლე"- წერს ჯანეზაშვილი და ამბობს, რომ მისმა ანგარიშმა "კლანი" გააღიზიანა.

ჯანეზაშვილის თქმით, ანგარიშში სასამართლო სისტემაში არსებულ ნეპოტიზმზე საუბრობს. ჯანეზაშვილი სოციალურ ქსელში ე.წ. სქრინებს აქვეყნებს, სადაც საბჭოს წევრები მის დასჯას მოითხოვენ.