საქართველოში კორონავირუსის 3 ახალი შემთხვევა გამოვლინდა, გამოჯანმრთელდა 2 ადამიანი
გამოქვეყნდა:
8 აგვისტოს საქართველოში კორონავირუსით ინფიცირების 3 ახალი შემთხვევა გამოვლინდა და 2 ადამიანი გამოჯანმრთელდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
ინფექციური საავადმყოფოს სამედიცინო დირექტორის, მარინა ეზუგბაიას თქმით, სამივე ახალი შემთხვევა იმპორტირებულია და მათგან 2 სატვირთო მანქანის მძღოლია.
ბოლო მონაცემებით საქართველოში:
- კორონავირუსის ინფიცირებულია - 1 216 ადამიანი;
- გამოჯანმრთელებულია - 996;
- მათ შორის გარდაცვლილია - 17;
- კარანტინის რეჟიმში რჩება - 7 166;
- სტაციონარში მეთვალყურეობის ქვეშ - 203, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსით ინფიცირების მაჩვენებელმა კი 18 მილიონს გადააჭარბა.
