გორში ერთი პირი დააკავეს - სპეცოპერაცია თბილისში, ფონიჭალაშიც მიმდინარეობს
გამოქვეყნდა:
გორის მუნიციპალიტეტში სპეცოპერაცია მიმდინარეობს. სამართალდამცველები რამდენიმე ადგილზე მუშაობენ.
"მთავარი არხის" ინფორმაციით, შინდისის გმირების ქუჩაზე პოლიციამ ერთი პირი დააკავა. ოპერაციას შიდა ქართლის სამხარეო პოლიციის ხელმძღვანელი უძღვება. მისი თქმით, ამოღებულია ნივთიერება, რომელიც ექსპერტიზაზე გადაიგზავნება.
"სხვადასხვა ლოკაციაზე მიმდინარეობს საპოლიციო ღონისძიება. როგორც ხედავთ, მოსამართლის განჩინების საფუძველზე ერთ მოქალაქეს ჩაუტარდა ჩხრეკა, აღმოჩენილ იქნა გარკვეული სახის ნივთიერება, რომელიც გაიგზავნება ექსპერტიზაზე. სხვა ლოკაციებზე კიდევ მიმდინარე პროცესია და დამატებით ინფორმაციას დღის განმავლობაში შსს-ს პრესსამსახური მოგახსენებთ", - თქვა ვალერიან თელიამ.
ცნობილია, რომ გორის გარდა სპეცოპერაცია მიმდინარეობს დედაქალაქშიც, მათ შორის ფონიჭალაში.
