დღეს ინფიცირებული 9 პაციენტიდან 2 სამედიცინო პერსონალია, ერთის წყარო უცნობია - გამყრელიძე
გამოქვეყნდა:
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, დღეს, 9 აგვისტოს საქართველოში კორონავირუსის 9 ახალი შემთხვევიდან ერთის წყარო უცნობია, ხოლო 2 სამედიცინო პერსონალია. გამყრელიძემ ამ თემაზე განმარტება ინტერპრესნიუსთან გააკეთა.
მისი განცხადებით, 9 ახალი შემთხვევიდან ერთი სოფელ გაჩიანის კლასტერია, 3 ინფიცირებულთან კონტაქტი, 2 სამედიცინო პერსონალი, 2 იმპორტირებული შემთხვევა, ხოლო 1-ის წყაროს დასადგენად ჩაღრმავებული ეპიდემიოლოგიური კვლევი მიმდინარეობს.
გამყრელიძემ აღნიშნა, რომ ინფიცირებული მედპერსონალიდან 1 რამდენიმე სამედიცინო დაწესებულებაში მუშაობდა.
შეგახსენებთ, რომ დღეს ქვეყანაში კორონავირუსისგან კიდევ 4 ადამიანი გამოჯანმრთელდა, ხოლო 9 დაინფიცირდა.
ბოლო მონაცემებით საქართველოში:
- კორონავირუსის ინფიცირებულია - 1 225 ადამიანი;
- გამოჯანმრთელებულია - 1 000;
- მათ შორის გარდაცვლილია - 17;
- კარანტინის რეჟიმში რჩება - 7 068;
- სტაციონარში მეთვალყურეობის ქვეშ - 250, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
