საქართველოში კორონავირუსის 25 ახალი შემთხვევა გამოვლინდა, გამოჯანმრთელდა 10 ადამიანი
გამოქვეყნდა:
10 აგვისტოს საქართველოში კორონავირუსით ინფიცირების 25 ახალი შემთხვევა გამოვლინდა და 10 ადამიანი გამოჯანმრთელდა. ამის შესახებ ინფორმაციას Stopcov.ge-ზე განახლდა.
ინფექციური საავადმყოფოს სამედიცინო დირექტორის მარინა ეზუგბაიას თქმით, დადასტურებული შემთხვევებიდან ერთი არის სოფელ გაჩიანიდან, 16 არის დადასტურებულ შემთხვევებთან კონტაქტი, ერთი სამედიცინო პერსონალია, 5 იმპორტირებული შემთხვევაა, 1 პაციენტი აფხაზეთიდან გადმოყვანილია, ხოლო კიდევ ერთის კონტაქტების მოძიება ამჟამად მიმდინარეობს.
ბოლო მონაცემებით საქართველოში:
- კორონავირუსის ინფიცირებულია - 1 250 ადამიანი;
- გამოჯანმრთელებულია - 1 010;
- მათ შორის გარდაცვლილია - 17;
- კარანტინის რეჟიმში რჩება - 7 068;
- სტაციონარში მეთვალყურეობის ქვეშ - 242, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კი ინფიცირების მაჩვენებელმა 20 მილიონს გადააჭარბა.
