ძალადობრივი დანაშული ყოველდღიური რეალობა ხდება. ფაქტების სიმრავლე შეიარაღებული თავდასხმების, მკვლელობის მცდელობების, ფიზიკური ანგარიშსწორების შესახებ ადასტურებს უკიდურესად მძიმე კრიმინოგენულ ვითარებას ქვეყანაში. რეგიონებთან ერთად განსაკუთრებით დრამატულია ვითარება დედაქალაქში, სადაც ყველაზე ხშირია მძიმე ხასიათის დანაშაულებრივი ფაქტები. ასეთ ვითარებაში კითხვის ნიშნებს აჩენს პოლიციის რეაგირება - ხელისუფლების ოპონენტები, რომლებიც სამართალდამცველებს აკრიტიკებენ, ამტკიცებენ, რომ შინაგან საქმეთა სამინისტროს არაეფექტურობას გაუხსნელი საქმეების რაოდენობის ზრდაც ადასტურებს.
