საქართველოში კორონავირუსის 14 ახალი შემთხვევა გამოვლინდა, გამოჯანმრთელდა 44 ადამიანი
გამოქვეყნდა:
11 აგვისტოს საქართველოში კორონავირუსით ინფიცირების 14 ახალი შემთხვევა გამოვლინდა და 44 ადამიანი გამოჯანმრთელდა. ამის შესახებ ინფორმაციას Stopcov.ge-ზე განახლდა.
ინფექციური საავადმყოფოს სამედიცინო დირექტორის, მარინა ეზუგბაიას თქმით, დღეს, 11 აგვისტოს საქართველოში დადასტურებული კორონავირუსის 14 შემთხვევიდან 2-ის წყარო სოფელი გაჩიანია, 9 არის დადასტურებულ შემთხვევასთან კონტაქტი, 3 შემოტანილი შემთხვევაა, რომელთაგან 2 სატვირთო მანქანის მძღოლია.
რაც შეეხება გამოჯანმრთელებულებს, მარინა ეზუგბაიას განცხადებით, მათი უმეტესობა, "ნახევარზე მეტი" ავღანეთიდან ჩამოყვანი ქართველი ჯარისკაცები არიან.
ბოლო მონაცემებით საქართველოში:
- კორონავირუსის ინფიცირებულია - 1 264 ადამიანი;
- გამოჯანმრთელებულია - 1 054;
- მათ შორის გარდაცვლილია - 17;
- კარანტინის რეჟიმში რჩება - 6 930;
- სტაციონარში მეთვალყურეობის ქვეშ - 263, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კი ინფიცირების მაჩვენებელმა 20 მილიონს გადააჭარბა.
