საქართველოში კორონავირუსის 14 ახალი შემთხვევა გამოვლინდა, გამოჯანმრთელდა 4 ადამიანი
გამოქვეყნდა:
12 აგვისტოს საქართველოში კორონავირუსით ინფიცირების 14 ახალი შემთხვევა გამოვლინდა და 4 ადამიანი გამოჯანმრთელდა. ამის შესახებ ინფორმაციას Stopcov.ge-ზე განახლდა.
ინფექციური საავადმყოფოს სამედიცინო დირექტორის მარინა ეზუგბაიას თქმით, ამ 14 ახალი შემთხვევიდან, 1 პაციენტის წყარო სოფელი გაჩიანია, 12 პაციენტის წყარო სოფელი ლენჯერი, ერთი კი იმპორტირებული შემთხვევაა.
ბოლო მონაცემებით საქართველოში:
- კორონავირუსის ინფიცირებულია - 1 278 ადამიანი;
- გამოჯანმრთელებულია - 1 058;
- მათ შორის გარდაცვლილია - 17;
- კარანტინის რეჟიმში რჩება - 7 718;
- სტაციონარში მეთვალყურეობის ქვეშ - 245, მათ შორის საქართველოში სამკურნალოდ გადმოყვანილია - 41 პაციენტი.
აღსანიშნავია, რომ 11 აგვისტოს მონაცემებთან შედარებით, კარანტინის რეჟიმში 788-ით მეტი ადამიანი იმყოფება უკვე დღეს, 12 აგვისტოს.
აქვე შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კი ინფიცირების მაჩვენებელმა 20 მილიონს გადააჭარბა.
