ბათუმში, რუსებისთვის დაგეგმილი უძრავი ქონების გამოფენა-გაყიდვის შესახებ ინფორმაცია საიტიდან წაიშალა

ბათუმში რუსებისთვის დაგეგმილი უძრავი ქონების გამოფენა-გაყიდვის შესახებ ინფორმაცია კომპანიის ვებგვერდზე აღარ იძებნება. სავარაუდოდ, ღონისძიება გაუქმდა.

ორგანიზატორის, People - Real Estate-ის,"ლინკზე" მითითებული იყო, რომ გამოფენა-გაყიდვა 29-30 ივლისს გაიმართებოდა, ღონისძიების შემდეგ ჩატარდებოდა რუსეთში მოღვაწე ირაკლი ფირცხალავას კონცერტიც. ფირცხალავას სარეკლამო რგოლიც აქვს ჩაწერილი დაგეგმილ ღონისძიებაზე. ეს ვიდეო YouTube-ზე ამ დრომდე [15:55] იძებნება.

საიტზე გამოქვეყნებული იყო იმ სამშენებლო კომპანიების სიაც, რომლებიც, ორგანიზატორების ცნობით, გამოფენა-გაყიდვაში მონაწილეობას იღებდნენ. მათ შორის იყვნენ:

"არქი"
Dreamland Oasis Chakvi
Metro city Batumi;
Gumbati Group;
Green Cape Batumi.

მოგვიანებით "ტერასა ჯგუფმა", "არქიმ" და "გუმბათმა" უარყვეს, რომ ისინი People - Real Estate-ის ღონისძიებაში მონაწილეობას აპირებენ. კომპანიები აცხადებენ, რომ ლოგო უნებართვოდ გამოიყენეს. იხილეთ:

ბათუმში, რუსებისთვის დაგეგმილი უძრავი ქონების გამოფენა-გაყიდვის შესახებ ინფორმაცია საიტიდან წაიშალა

საზოგადოება

იხილეთ ჩვენს ეთერში

დღის მთავარი