რაჭაში, სტიქიური უბედურების ზონიდან 30 კმ-ის მოშორებით ნაპოვნი 27-ე ცხედარი კოტე მაისურაძის აღმოჩნდა. არსებული ინფორმაციით, სამხარაულის ექსპერტიზის ბიუროში მამაკაცის ცხედრის იდენტიფიცირება უკვე მოხდა. ის მარიტა გუტაშვილის სტიქიის ზონაში მოყოლილი 9 ოჯახის წევრიდან ერთ-ერთია.
შეგახსენებთ, რაჭაში მეწყერი 3 აგვისტოს ჩამოწვა. ამ დროისთვის დადასტურებული მონაცემებით, შოვის სტიქიას 27 ადამიანი ემსხვერპლა. ეძებენ მინიმუმ 6 ადამიანს. დაკარგულებსა და დაღუპულებს შორის არიან ბავშვები. სტიქიის ზონიდან, ჯამში 210 ადამიანია ევაკუირებული. მომხდართან დაკავშირებით გამოძიება სისხლის სამართლის კოდექსის ორი მუხლითაა დაწყებული.
