16 აგვისტოს საქართველოში კორონავირუსით ინფიცირების 15 ახალი შემთხვევა გამოვლინდა გამოჯანმრთელებულთა რიცხვი კი არ გაზრდილა. ამის შესახებ ინფორმაცია Stopcov.ge-ზე განახლდა.
დაავადებათა კონტროლის ეროვნული ცენტრის დირექტორის, ამირან გამყრელიძის თქმით, დღეს, 16 აგვიტოს საქართველოში კორონავირუსის დადასტურებული შემთხვევბი შემდეგნაირად ნაწილდება:
2 ლენჯერის კლასტერთანაა დაკავშირებული, 9 გახლავთ დადასტურებულ შემთხვევასთან კონტაქტი, 2 იმპორტირებულია და ორივე სატვირთო მანქანის მძღოლია. ქობულეთში გვაქვს 3 შემთხვევა და სამივე დაკავშირებულია კაფე-ბართან. სიტუაცია სრულად მართვადია როგორც ქობულეთში ისე ქვეყანაში, - ამირან გამყრელიძე.
ბოლო მონაცემებით საქართველოში:
- კორონავირუსის ინფიცირებულია - 1 336
- გამოჯანმრთელებულია - 1 088
- მათ შორის გარდაცვლილია - 17
- კარანტინის რეჟიმში რჩება - 7 597
- სტაციონარში მეთვალყურეობის ქვეშ - მათ შორის საქართველოში სამკურნალოდ გადმოყვანილია - 41პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კი ინფიცირების მაჩვენებელმა 21 მილიონს უახლოვდება.
