საქართველოში კორონავირუსის 5 ახალი შემთხვევა გამოვლინდა, გამოჯანმრთელდა 4 ადამიანი
გამოქვეყნდა:
17 აგვისტოს საქართველოში კორონავირუსით ინფიცირების 5 ახალი შემთხვევა გამოვლინდა და 4 ადამიანი გამოჯანმრთელდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
ინფექციური საავადმყოფოს სამედიცინო დირექტორის, მარინა ეზუგბაიას თქმით, დღეს საქართველოში დადასტურებული 5 ახალი შემთხვევა შემდეგნაირად ნაწილდება:
2 არის დადასტურებულ შემთხვევასთან კონტაქტი, 1 გახლავთ იმპორტირებული და 2 შემთხვევაზე გრძელდება კონტაქტების მოძიება წყაროს დადგენის თვალსაზრისით, - თქვა მარინა ეზუგბაიამ.
ბოლო მონაცემებით საქართველოში:
- კორონავირუსის ინფიცირებულია - 1 341
- გამოჯანმრთელებულია - 1 092
- მათ შორის გარდაცვლილია - 17
- კარანტინის რეჟიმში რჩება - 7 082
- სტაციონარში მეთვალყურეობის ქვეშ - მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
