სამეგრელო-ზემო სვანეთის პოლიციის თანამშრომლებმა 16 აგვისტოს სენაკში მომხდარი ძარცვის საქმე გახსნეს. ინფორმაციას შინაგან საქმეთა სამინისტრო ავრცელებს.
ოპერატიულ-სამძებრო ღონისძიებების შედეგად დაკავებულია 1998 წელს დაბადებული გ.გ., რომელიც წარსულში მრავალჯერ იყო ნასამართლევი.
ბრალდებულის საცხოვრებელი სახლიდან სამართალდამცველებმა რევოლვერი ამოიღეს, რომელიც ექსპერტიზაზე გადაიგზავნა.
დანაშაული 5-დან 8 წლამდე ვადით თავისუფლების აღკვეთას ითვალისწინებს. დაკავებული ბრალს აღიარებს.
ძარცვა სენაკში 16 აგვისტოს მოხდა. თავდამსხმელმა საცხოვრებელი სახლი გაძარცვა და ადგილიდან მიიმალა.
