სოციალურ ქსელში გავრცელდა ვიდეოკადრები, სადაც ნაჩვენებია, რომ თბილისში, ვაჟა-ფშაველას გამზირზე, სამედიცინო უნივერსიტეტის შენობის ღობეზე აღმართული ისრაელის დროშა ჩამოხსნეს და ფეხით შედგნენ.
საქართველოს შინაგან საქმეთა სამინისტროს პრესცენტრში "მთავარ არხს" უთხრეს, რომ ისრაელის დროშის შელახვის ფაქტზე ადმინისტრაციულ სამართალდარღვევათა კოდექსით [174-ე მუხლი 18 პრიმა] წარმოება დაიწყო.
უწყების ცნობით, დაჯარიმდა 4 ირანელი სტუდენტი. დროშა გუშინ ადგილზე თავიდან დაკიდეს.
