დღეს დადასტურებული 9 შემთხვევიდან 1 სამედიცინო პერსონალია, 1-ის წყარო უცნობია - ეზუგბაია
გამოქვეყნდა:
ინფექციური საავადმყოფოს სამედიცინო დირექტორის, მარინა ეზუგბაიას თქმით, დღეს, 22 აგვისტოს კორონავირუსის დადასტურებული შემთხვევებიდან 1 სამედიცინო პერსონალია, ხოლო 1-ის წყარო უცნობია.
9 შემთხვევა ასეთი განაწილებით გახლავთ, 4 არის დადასტურებულ შემთხვევასთან კონტაქტი, 1 სამედიცინო პერსონალია, 3 შემოტანილი შემთხვევა, 1 შემთხვევაზე გრძელდება კვლევა კონტაქტების მოძიების მიზნით, რომ დადგინეს წყარო, - თქვა მარინა ეზუგბაიამ.
ეზუგბაიას თქმით, ინფექციურ საავადმყოფოში ამჟამად 31 კორონავირუსით ინფიცირებული პაციენტი აგრძელებს მკურნალობას.
22 აგვისტოს მონაცემებით, საქართველოში კორონავირუსით ინფიცირების 9 ახალი შემთხვევა გამოვლინდა, 4 ადამიანი კი გამოჯანმრთელდა.
ბოლო მონაცემებით საქართველოში:
- კორონავირუსის ინფიცირებულია - 1394
- გამოჯანმრთელებულია - 1132
- მათ შორის გარდაცვლილია - 17
- კარანტინის რეჟიმში რჩება - 6 903
- სტაციონარში მეთვალყურეობის ქვეშ -278, მათ შორის საქართველოში სამკურნალოდ გადმოყვანილია - 41პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
