წყნეთი-ბეთანიის გზაზე მსუბუქი ავტომანქანა გზის სავალი ნაწილიდან გადავიდა და ბორდიურს შეეჯახა. მომხდარის შედეგად 2 ადამიანი დაშავდა.
არსებული ინფორმაციით, დაშავებულები სასწრაფო სამედიცინო ჯგუფმა საავადმყოფოში გადაიყვანა.
როგორც "მთავარ არხს" შინაგან საქმეთა სამინისტროში უთხრეს, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
