ინფექციური საავადმყოფოს სამედიცინო დირექტორის, მარინა ეზუგბაიას თქმით, დღეს, 28 აგვისტოს საქართველოში კორონავირუსის დადასტურებული 8 შემთხვევიდან 3-ის წყარო უცნობია.
ორის წყარო არის დაავადებულთან კონტაქტი, სამი გახლავთ შემოტანილი შემთხვევა, სამივე სატვირთოს მძღოლია და სამზე გრძლედება ეპიდკვლევა, კონტაქტების მოძიებით წყაროს დადგენის მიზნით, - თქვა მარინა ეზუგბაიამ.
ეზუგბაიას განცხადებით, ჯამში კოვიდცენტრებში მკურნალობას 232 პაციენტი აგრძელებს, მათგან 4-ის მდგომარეობა კრიტიკულად მძიმე ხოლო, 17-ის მძიმეა.
დღეს, 28 აგვისტოს, საქართველოში კორონავირუსით ინფიცირების 8 ახალი შემთხვევა გამოვლინდა, 6 პაციენტი კი გამოჯანმრთელდა.
ბოლო მონაცემებით საქართველოში:
- კორონავირუსით ინფიცირებულია - 1 455
- გამოჯანმრთელებულია - 1 196
- მათ შორის გარდაცვლილია - 19
- კარანტინის რეჟიმში რჩება - 5943
- სტაციონარში მეთვალყურეობის ქვეშ - 252, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსის შემთხვევათა რაოდენობამ 24 მილიონს გადააჭარბა, 800 000-ზე მეტი ადამიანი კი გარდაიცვალა.
