საქართველოში კორონავირუსით ინფიცირების 18 ახალი შემთხვევა გამოვლინდა, 19 ადამიანი კი გამოჯანმრთელდა
გამოქვეყნდა:
ბოლო 24 საათში, საქართველოში კორონავირუსით ინფიცირების 18 ახალი შემთხვევა გამოვლინდა, 19 ადამიანი კი გამოჯანმრთელდა. ინფორმაცია StopCoV.ge-ზე ცოტა ხნის წინ განახლდა.
ინფექციური საავადმყოფოს სამედიცინო დირექტორის, მარინა ეზუგბაიას თქმით, ახალ პაციენტთაგან 7-ს ინფიცირებულებთან კონტაქტი დაუდასტურდა, 11 შემთხვევა კი შემოტანილია.
ბოლო მონაცემებით საქართველოში:
- კორონავირუსით ინფიცირებულია - 1 487
- გამოჯანმრთელებულია - 1 240
- მათ შორის გარდაცვლილია - 19
- კარანტინის რეჟიმში რჩება - 5524
- სტაციონარში მეთვალყურეობის ქვეშ - 221, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსის შემთხვევათა რაოდენობამ 25 მილიონს გადააჭარბა, 850 000-ზე მეტი ადამიანი კი გარდაიცვალა.
