საქართველოში კორონავირუსის 38 ახალი შემთხვევა გამოვლინდა, 27 ადამიანი კი გამოჯანმრთელდა
გამოქვეყნდა:
ბოლო 24 საათში, საქართველოში კორონავირუსით ინფიცირების 38 ახალი შემთხვევა გამოვლინდა, 27 ადამიანი კი გამოჯანმრთელდა. აპრილის შემდეგ ეს ახალი ინფიცირებულების რეკორდული მაჩვენებელია.
ინფექციური საავადმყოფოს სამედიცინო დირექტორის, მარინა ეზუგბაიას თქმით, ახალ შემთხვევათაგან 22 ბათუმში მდებარე საკონდიტრო მაღაზია "დონას" კლასტერიდანაა, 7 შემთხვევა ინფიცირებულებთან კონტაქტის შედეგად გამოვლინდა, 4 შემთხვევა შემოტანილია, 5 პირის ინფიცირების წყარო კი ჯერჯერობით უცნობია.
ინფორმაცია StopCoV.ge-ზე ცოტა ხნის წინ განახლდა.
ბოლო მონაცემებით საქართველოში:
- კორონავირუსით ინფიცირებულია - 1 548
- გამოჯანმრთელებულია - 1 270
- მათ შორის გარდაცვლილია - 19
- კარანტინის რეჟიმში რჩება - 6059
- სტაციონარში მეთვალყურეობის ქვეშ - 239, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსის შემთხვევათა რაოდენობა 26 მილიონს უახლოვდება, 860 000-ზე მეტი ადამიანი კი გარდაიცვალა.
