სამგორში მომხდარ მკვლელობასთან დაკავშირებით ოთარ ცინდელიანი დააკავეს | პოლიციამ ის ზუგდიდში აიყვანა

გამოქვეყნდა:

შინაგან საქმეთა სამინისტრო თბილისში, სამგორის რაიონში მომხდარ მკვლელობასთან დაკავშირებით განცხადებას ავრცელებს და ადასტურებს, რომ ეჭვმიტანილი დაკავებულია. "მთავარი არიხს" ინფორმაციით, დაკავებულია ოთარ ცინდელიანი.

უწყების ცნობით, განსაკუთრებული სისასტიკით ჩადენილი განზრახ მკვლელობის ბრალდებით 2003 წელს დაბადებული ო.ც. დააკავეს.

დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

"გამოძიებით დადგინდა, რომ ბრალდებულმა თბილისში, ურთიერთშელაპარაკების ნიადაგზე ცივი იარაღის გამოყენებით, ნაცნობ ქალს - 2003 წელს დაბადებულ ქ.ჯ.-ს სასიკვდილო ჭრილობა მიაყენა და შემთხვევის ადგილიდან მიიმალა.

სამართალდამცველებმა ჩატარებული საგამოძიებო მოქმედებების შედეგად, ო.ც. მომხდარიდან რამდენიმე საათში, ზუგდიდის მუნიციპალიტეტში დააკავეს", - წერია უწყების განცხადებაში.

განსაკუთრებული სისასტიკით ჩადენილი განზრახ მკვლელობის ფაქტზე გამოძიება საქართველოს სისხლის სამართლის კოდექსის 109-ე მუხლის “მ” ქვეპუნქტით მიმდინარეობს.

მთავარი 10:00
უყურეთ ბოლო გამოშვებას

იხილეთ ჩვენს ეთერში

დღის მთავარი