ცაგერის მუნიციპალიტეტში კორონავირუსის 5 შემთხვევა დადასტურდა. მათ შორის, 3 სოფელ საპათაგორში და 2 - ლაჯანაში.
არსებული ინფორმაციით, ინფიცირებულები თბილისში ქორწილში იმყოფებოდნენ და იქ დადასტურებული შემთხვევების კონტაქტები არიან. სოფლებში ეპიდემიოლოგები უკვე მუშაობენ - მიმდინარეობს საეჭვო კონტაქტების ტესტირება
შეგახენებთ, რომ ამ დრომდე ცაგერი მწვანე ზონა იყო და ინფიცირების არც ერთი შემთხვევა არ დადასტურებულა.
ცნობისთვის,
ბოლო 24 საათში, საქართველოში კორონავირუსით ინფიცირების რეკორდული - 45 ახალი შემთხვევა გამოვლინდა, 6 ადამიანი კი გამოჯანმრთელდა.
45 ახალი შემთხვევიდან 23 აჭარის რეგიონს უკავშირდება.
