სამტრედიაში, ქმრის მკვლელობისთვის დაკავებული ქალი ამბობს, რომ დანაშაული მისმა ძმამ ჩაიდინა
გამოქვეყნდა:
სამტრედიაში, ქმრის მკვლელობაში ბრალდებული ქალი მოსამართლემ ორთვიან წინასწარ პატიმრობაში დატოვა.
სასამართლო სხდომაზე ქალის გაკეთებული განცხადება კი გამოძიების გავრცელებულ თავდაპირველ ინფორმაციას თავდაყირა აყენებს. 29 წლის ნატო ხელაძე აცხადებს, რომ ქმარი მას არ მოუკლავს და დანაშაული მისმა ძმამ ჩაიდინა.
ადვოკატებმა პროცესზე მცირეწლოვანი ბავშვების ჩვენებაც წარმოადგინეს, სადაც მოზარდები ამბობენ, რომ დანაშაული ნატო ხელაძეს არ ჩაუდენია. დაცვის მხარე ბრალდებულის სასამართლო დარბაზიდან გათავისუფლებას ითხოვდა, ბრალდება კი პატიმრობას.
მკვლელობა სამტრედიაში 2 აპრილს მოხდა. გამოძიება საქართველოს სისხლის სამართლის კოდექსის 11 პრიმა 109-ე მუხლის "კ" ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
პროტესტი თბილისის ქუჩებში | "მთავარის" სპეცეთერი
უყურეთ ბოლო გამოშვებას
