ქუთაისის სკოლის თანამშრომელს კორონავირუსი დაუდასტურდა - სწავლის დაწყება გადაიდო
გამოქვეყნდა:
ქუთაისის 32-ე საჯარო სკოლის თანამშრომელს კორონავირუსი დაუდასტურდა.
როგორც სკოლაში აცხადებენ, 60-მდე თანამშრომელს ანალიზები აუღეს და პასუხი ხვალ იქნება ცნობილი. სკოლის თანამშრომლების თვითიზოლაციაში გადავიდნენ.
განმეორებითი ტესტირება მათ 20 სექტემბერს ჩაუტარდებათ.
ქუთაისის 32-ე საჯარო სკოლაში სწავლის დაწყებაც გადაიდო. სასწავლო პროცესი სკოლაში 1-ელ ოქტომბერს განახლდება.
არსებული ინფორმაციით, სკოლის თანამშრომლის დაინფიცირების წყარო ცნობილია და ის ე.წ. ქორწილის კლასტერიდანაა.
