ფიზიკური დაპირისპირება ზუგდიდში. 55 წლის კაცს შელაპარაკებისას თავის არეში დაზიანებები თხილის სატეხით მიაყენეს. დაშავებული უგონო მდგომარეობაში ზუგდიდის საავადმყოფოს რეანიმაციულ განყოფილებაში იმყოფება.
არსებული ინფორმაციით, შუახნის კაცს კონფლიქტი თხილის ერთ-ერთი შპს-ს მეწილესთან მოუვიდა და სიტყვიერი შელაპარაკება ფიზიკურ დაპირისპირებაში გადაიზარდა.
სავარაუდოდ, დაპირისპირება მოჰყვა ქარხნიდან თხილის შეძენას, რომელიც დაზარალებულმა, ირაკლი ჭკადუამ შეიძინა, მან 20-25 დღის შემდეგ თხილის უკან დაბრუნება მოითხოვა, მიზეზით რომ შეძენილი თხილი უარგისი აღმოჩნდა, რასაც ქარხნის მფლობელი არ დაეთანხმა.
ამ დროისთვის ჩხუბში მონაწილე ყველა პირი იდენტიფიცირებულია და დაკავებები მიმდინარეობს.
ავტორი: ემა გოგოხია
