ვერცხლისებრი ევკალიპტისგან დამზადებული ანტიბაქტერიული ხსნარი - მოროშკინას საჩუქარი ინფექციურ საავადმყოფოს
გამოქვეყნდა:
ინფექციურმა საავადმყოფომ ლალი მოროშკინასგან საჩუქრად ევკალიპტისგან დამზადებული ანტიბაქტერიული ხსნარი მიიღო. კორონავირუსის საგანგაშო სტატისტიკის ფონზე, ამ ფაქტს ინფექციურმა საავადმყოფომ სოციალურ ქსელში პოსტი მიუძღვნა.
"მოულოდნელი საჩუქარი არასამთავრობო ორგანიზაცია "ძლიერი ქალი-ძლიერი სახელმწიფოს" თავმჯდომარე ლალი მოროშკინასგან, რომელმაც კლინიკაში ვერცხლისებრი ევკალიპტისგან დამზადებული ანტიბაქტერიული და სადეზინფექციო ხსნარი მოიტანა. პროდუქცია ქართულია და 100%-ით ნატურალური. მადლობა! სიკეთე გადამდებია..." - წერია ინფექციური საავადმყოფოს Facebook-ის ოფიციალურ გვერდზე.
შეგახსენებთ, რომ დღეს საქართველოში კორონავირუსის რეკორდულად მაღალი - 158 ახალი შემთხვევა დადასტურდა.
ბოლო მონაცემებით საქართველოში:
- კორონავირუსით ინფიცირებულია - 2 075;
- გამოჯანმრთელებულია - 1 363;
- მათ შორის გარდაცვლილია - 19;
- კარანტინის რეჟიმში რჩება - 5 882;
- სტაციონარში მეთვალყურეობის ქვეშ - 390, მათ შორის საქართველოში სამკურნალოდ გადმოყვანილია - 41 პაციენტი.
კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსის შემთხვევათა რაოდენობამ 29 მილიონს მიუახლოვდა.
