ნაციონალურმა მოძრაობამ 4 პოლიტიკურ სიბიექტთან ერთად საარჩევნო ბლოკი შექმნა და მათ მაჟორიტარობის 5 ახალი კანდიდატი წარადგინეს.
საარჩევნო ბლოკის მაჟორიტარობის 5 კანდიდატის სია ასეთია:
- მანუჩარ კვირკველია - ოზურგეთი, ლანჩხუთი, ჩოხატაური
დავიბადე გურიაში და კარგად ვიცი ადგილობრივი პრობლემები. სწორედ ამიტომ, გადავწყვიტე, გურიას, ჩემს ხალხს დავეხმარო - ამბობს კვირკველია
- დილარ ხაბულიანი - რაჭა-ლეჩხუმ სვანეთი
ღრმად ვარ დარწმუნებული, რომ ბევრ რამეს შევცვლი ხალხისთვის უკეთესობისკენ. წარმოუდგენელი სიდუხჭირეა ქვეყნის ყველაზე ლამაზ და ისტორიულ რეგიონში - ეს კი სირცხვილია, - თქვა ხაბულიანმა.
- ნატო ჩხეიძე - ხაშური, ქარელი და გორის მუნიციპალიტეტის ნაწილი
ჩემთვის უმნიშვნელოვანესია, ხალხის იმედები არ გავაცრუო. ვფიქრობ, რომ ამ რეგიონში ნამდვილად გავიმარჯვებ, რადგან საქმით ჩემიძლია ადამიანების ნდობა მოვიპოვო, - ამბობს ჩხეიძე.
- კახა ოქრიაშვილი - ბოლნისი, დმანისი, თეთრი წყარო, წალკა
დარწმუნებული ვარ, რომ გავიმარჯვებ, რადგან ერთადერთი ადამიანი ვარ, რომელიც ბოლომდე ვიცავდი მაჟორიტარულ არჩევნებს, - თქვა ოქრიაშვილმა
- ცეზარ ჩოჩელი - მცხეთა, დუშეთი, თიანეთი, ყაზბეგი
ეს არჩევნები გადამწყვეტია. მე მაქვს უფრო მეტი ენთუზიაზმი და შემართება, რომ გავიმარჯვო, - ამბობს ჩოჩელი.
ცნობისთვის, "ერთიანი ნაციოანლური მოძრაობა", "გაერთიანებული ოპოზიცია", "ძალა ერთობაშია" - ასე ერქმევა 31 ოქტომბრის არჩევნებზე ბლოკს.
ბლოკის შემადგენლობაში იქნებიან - "ნაციონალური მოძრაობა", "რესპუბლიკური პარტია", მოძრაობა "სახელმწიფო ხალხისთვის", მოძრაობა "ევროპელი დემოკრატები". გარდა ამისა, ბლოკს შეუერთდა კახა ოქრიაშვილისა და ცეზარ ჩოჩელის ახალი პარტიაც - "პროგრესი და თავისუფლება".
