დე ფაქტო ხელისუფლების ინფორმაციით, ოკუპირებული აფხაზეთის რეგიონში კორონავირუსი 52 ადამიანს დაუდასტურდა. მათივე განცხადებით, ტესტი სულ 172 პირს გაუკეთეს.
უწყების ინფორმაციით, ამ დროისთვის გუდაუთის ცენტრალურ რაიონულ საავადმყოფოში 66 ადამიანი იმყოფება, საიდანაც 63-ს კორონავირუსის დადასტურებული დიაგნოზი აქვს. მათგან 3 ადამიანის მდგომარეობა მძიმეა, 17-ს საშულო.
საოკუპაციო ძალების ინფორმაციით, აფხაზეთში სულ 726 კორონავირუსის დადასტურებული შემთხვევაა, აქედან 192 პაციენტი გამოჯანმრთელდა, 7 დაიღუპა.
ბოლო 24 საათში აქართველოს მასშტაბით, კორონავირუსის 170 ახალი შემთხვევა დადასტურდა, 12 ადამიანი კი გამოჯანმრთელდა.
ბოლო მონაცემებით საქართველოში:
- კორონავირუსით ინფიცირებულია - 2 562;
- გამოჯანმრთელებულია - 1 369;
- მათ შორის გარდაცვლილია - 19;
- კარანტინის რეჟიმში რჩება - 6 633;
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსის შემთხვევათა რაოდენობამ 29 მილიონს გადააჭარბა.
