ჩვენთან ერთად მოიპოვეთ თავისუფლება!
თბილისში, ნუცუბიძის ქუჩაზე, გლოვოს კურიერს პნევმატური იარაღით თავს დაესხნენ - ინფორმაციას შაბათის ფორმულა ავრცელებს. მათი ცნობით, შემთხვევა დაახლოებით 1 საათის წინ მოხდა.
დაჭრილი კურიერის დედის ცნობით, მისმა შვილმა კლიენტთან ბოლო შეკვეთა დატოვა, რის შემდეგაც დაურეკეს და უთხრეს, რომ პროდუქტს გარკვეული ინგრედიენტი აკლდა. სწორედ ამის შემდეგ გაუსწორდნენ მას ფიზიკურად.
შსს-ში ამბობენ, რომ მომხდართან დაკავშირებით დაწყებულია გამოძიება.
სარედაქციო ჩასწორება: თავდაპირველად გავრცელდა ინფორმაცია, რომ კურიერს ცეცხლსასროლი იარაღით თავს 8 ადამიანი გავრცელდა. მოგვიანებით ეს ინფორმაცია შსს-მ უარყო და გვითხრა, რომ თავდასხმაში მხოლოდ 1 ადამიანი მონაწილეობდა და მას პნევმატური იარაღი ჰქონდა.
