საპატრულო პოლიციის თანამშრომელი, რომელიც 19 წლის ბაიკერის გარდაცვალების საქმეზე დააკავეს, ორთვიან წინასწარ პატიმრობაში დატოვეს. მოსამართლემ აღკვეთზე გადაწყვეტილება ცოტა ხნის წინ გამოაცხადა. ადვოკატი დაკავებულისთვის 5 000 ლარიანი გირაოს შეფარდებას ითხოვდა.
დაკავებულს ბრალი 276-ე მუხლის მე-6 ნაწილით აქვს წარდგენილი, რაც საგზაო წესების დარღვევას გულისხმობს. დანაშაული დამტკიცების შემთხვევაში 4-დან 7 წლამდე თავისუფლების აღკვეთას ითვალისწინებს.
შეგახსენებთ, შემთხვევა თბილისში, ყაზბეგის გამზირზე 19 ივლისს მოხდა. სამართალდამცველები მოტოციკლით მოძრავ მამაკაცს მისდევდნენ, რა დროსაც პატრული ერთ-ერთმა ეკიპაჟმა სავარაუდოდ გზის სავალი ნაწილი გადაკეტა. ამას კი ავტოავარია და ახალგაზრდა მამაკაცის გარდაცვალება მოჰყვა.
წინასასამართლო სხდომა 12 სექტემბრისთვის ჩაინიშნა.
