საქართველოს მთავრობის ადმინისტრაციამ კულტურის სამინისტროს Black Sea Arena-ს გარდა თბილისის სახელმწიფო საკონცერტო დარბაზის აქტივები და მართვის უფლებაც ჩამოართვა - განკარგულება 15 აგვისტოთი თარიღდება და მას ხელს პრემიერი კობახიძე აწერს.
ორივე ქონება გადაცემულია მათი არსებობის ვადით. დოკუმენტის მიხედვით, ორი ორგანიზაციის - Black Sea Arena-ასა და თბილისის სახელმწიფო საკონცერტო დარბაზის შერწყმა უნდა მოხდეს. პროცესს კი, აქტივების ახალი მფლობელი, მთავრობის ადმინისტრაცია უზრუნველყოფს.
თბილისის ფილარმონია აქტივების მართვის კომპანიიდან კულტურის სამინისტროს ბალანსზე 2022 წლის 27 მაისს გადავიდა.
შეგახსენებთ, მთავრობის ადმინისტრაციამ კულტურის სამინისტროს Black Sea Arena-ც ჩამოართვა
