სამტრედიაში, სახლში შეჭრილმა მძარცველმა მოკლა 70 წლის ქალი, რომელსაც მეზობელმა სახლი მოსავლელად დაუტოვა - ახალი დეტალები
გამოქვეყნდა:
სასტიკი მკვლელობა სამტრედიაში - ცივი იარაღით მოკლულია 70 წლის ქალი. მოხუცს ქალაქიდან გასულმა მეზობელმა სახლი მოსავლელად დაუტოვა. მეზობლის სახლში შინაური ფრინველის გამოსაკვებად გადასულ 70 წლის ქალს კი ადგილზე უცნობი მძარცველი დახვდა. შეშინებულმა ქალმა გაქცევა სცადა, უცნობი პირი მას დაეწია და დანით მრავლობითი ჭრილობები მიაყენა. სამართალდამცველების ცნობით, სავარაუდო მკვლელი იდენტიფიცირებულია და მიმდინარეობს მისი სამძებრო სამუშაოები.
როგორც "მთავარ არხს" შსს-ში განუცხადეს, გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს, სავარაუდო დამნაშავე კი იდენტიფიცირებულია, თუმცა მიმალვაშია.
