მოსამართლემ ბალდის კანიონის დამცველი აქტივისტის მიმართ პატიმრობა გირაოთი შეცვალა | ინდიკო ბჟალავა გათავისუფლდა
გამოქვეყნდა:
მოძრაობა "ბალდის კანიონის შესანარჩუნებლად" ავრცელებს ინფორმაციას, რომ გათავისუფლდა დაკავებული აქტივისტი, ინდიკო ბჟალავა. სასამართლომ მის მიმართ გამოყენებული წინასწარი პატიმრობა გირაოთი შეცვალა. ბჟალავა საპატიმროში 98 დღის განმავლობაში იყო.
11 ივნისის ღამეს, ბალდაში, მშენებლობის მოწინააღმდეგეთა კარავში თავდასხმა მოხდა. პროკურატურამ ბრალი 2 თავდამსხმელს და 1 აქტივისტს წარუდგინა. გამოძიება ამბობს, რომ მარტვილის სოფელ ბალდაში კანიონის მშენებლობასთან დაკავშირებით წარმოქმნილი უთანხმოების გამო, ინდიკო ბჟალავამ გელა ხურცილავას მეუღლეს სიტყვიერი შეურაცხყოფა მიაყენა და სიცოცხლის მოსპობით დაემუქრა.
ინდიკო ბჟალავას ბრალდება სსკ-ის 151-ე მუხლის პირველი ნაწილით (მუქარა) წარუდგინეს, რაც 1 წლამდე თავისუფლების აღკვეთას ითვალისწინებს.
ვითარება რუსთაველის გამზირზე | "მთავარის" სპეცეთერი
უყურეთ ბოლო გამოშვებას
