საქართველოში კორონავირუსით დღეს კიდევ ერთი, 25-ე პაციენტი გარდაიცვალა, სულ - ბოლო 24 საათში გარდაიცვალა 2 ადამიანი.
არსებული ინფორმაციით, გარდაცვლილს თანმხლები მძიმე ქრონიკული დაავადებები ჰქონდა, ის აჭარის საავადმყოფოში მკურლაობდა.
ბოლო 24 საათში კი, ინფიცირდა - 227 ადამიანი. გამოჯანმრთელდა 69.
ბოლო მონაცემებით საქართველოში:
- კორონავირუსით ინფიცირებულია - 4140
- გამოჯანმრთელებულია - 1643
- მათ შორის გარდაცვლილია - 25
- კარანტინის რეჟიმში რჩება - 5390
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსით ინფიცირებულთა რაოდენობამ 31 მილიონს გადააჭარბა. მათგან გარდაიცვალა 900 000-ზე მეტი ადამიანი, ხოლო გამოჯანმრთელდა თითქმის 24 მილიონი.
