ქუთაისის სააპელაციოში, საიას საარჩევნო დავების ერთ-ერთი განმხილველი მოსამართლე ვაჟა სირაძის მამაა
გამოქვეყნდა:
დასავლეთ საქართველოში მდებარე საოლქო საარჩევნო კომისიების წინააღმდეგ შეტანილი საიას სააპელაციო საჩივრები ქუთაისის სააპელაციო სასამართლომ ერთ საქმედ გააერთიანა. საქმის განხილვა დაიწყება დღეს, 16:00 საათზე. საიას ცნობით, ერთ-ერთი მოსამართლე, ვინც საჩივრებს განიხილავს შოთა სირაძეა.
შოთა სირაძე საპატრულო პოლიციის დეპარტამენტის უფროსის, ვაჟა სირაძის მამაა.
ქუთაისის სააპელაციო სასამართლო საქმეს განიხილავს შემდეგი შემადგენლობით: ზაზა რამიშვილი (მომხსენებელი), ხათუნა ხომერიკი და შოთა სირაძე. პროცესი ამ წუთებში იწყება.
