კორონავირუსის დადასტურებული შეთხვევების სწრაფი ზრდის გამო, ბრაზილიაში - პირველად 100 წელიწადში - რიოს კარნავალი განუსაზღვრელი ვადით გადაიდო.
რიო-დე-ჟანეიროს სამბას სკოლის პრეზიდენტის თქმით, კოვიდპანდემიის პირობებში სამბას სკოლები მომზადებას ვერ ასწრებენ თებერვლამდე - კარნავალის ტრადიციულ თარიღამდე.
ამ დროისთვის უცნობია, რა ბედი ეწევა მცირე ზომის ღონისძიებებს, რომლებიც კარნავალის პერიოდში რიოს თითქმის ყველაზე ქუჩაზე იმართება.
აქვე, რიო-დე-ჟანეიროს კარნავალი ერთ-ერთი ყველაზე მასშტაბური ღონისძიებაა მსოფლიოს მასშტაბით და მასში ყოველწლიურად 2 მილიონამდე ადამიანი მონაწილეობს. კარნავალი პირველად 1723 წელს ჩატარდა, ბოლოს კი 1912 წელს გადაიდო, როდესაც ბრაზილიის საგარეო საქმეთა მინისტრი გარდაიცვალა.