თბილისში, ცოტნე დადიანის ქუჩაზე ახალგაზრდა მამაკაცი დაჭრეს. არსებული ინფორმაციით, დაჭრილია უცხო ქვეყნის მოქალაქე და დაჭრას წინ კონფლიქტი უძღოდა, თუმცა სხვა დეტალები ამ დროისათვის უცნობია.
ფაქტს ადასტურებენ შსს-ში და ამბობენ, რომ მომხდარზე გამოძიება სსკ-ს 120-ე ჯანმრთელობის განზრახ მსუბუქი დაზიანების მუხლით დაიწყო. უწყებაში სხვა დეტალებზე არ საუბრობენ. არსებული ინფორმაციით, დაჭრილი საავადმყოფოში გადაიყვანეს.