მოქალაქეს, რომელსაც ოლიგარქის პროკურატურა ჯგუფურად კამერების დაზიანებას ედავება, 3-დან 6 წლამდე პატიმრობა ემუქრება
გამოქვეყნდა:
ოლიგარქის პროკურატურის ინფორმაციით, ჯგუფურად ჩადენილი სხვისი ნივთის დაზიანების ფაქტზე ერთ პირს ბრალდება წარედგინა. მოქალაქეს, რომელსაც ჯგუფურად კამერების დაზიანებას ედავებიან, 3-დან 6 წლამდე პატიმრობა ემუქრება.
გამოძიების მტკიცებით, 4 დეკემბერს, ბრალდებულმა სხვა პირებთან ერთად, დააზიანა და გაანადგურა რუსთაველის გამზირზე დამონტაჟებული საგანგებო სიტუაციების მართვის ცენტრ 112-ს ბალანსზე რიცხული ვიდეო სამეთვალყურეო კამერები, რამაც 7 700 ლარის ოდენობით ზიანი გამოიწვია.
ბრალდებული 9 დეკემბერს დააკავეს. მას ბრალდება საქართველოს სისხლის სამართლის კოდექსის 187-ე მუხლის მეორე ნაწილის „გ“ ქვეპუნქტით (ჯგუფურად სხვისი ნივთის დაზიანება, რამაც მნიშვნელოვანი ზიანი გამოიწვია) წარედგინა.
