ჩვენთან ერთად მოიპოვეთ თავისუფლება!
საქართველოში კორონავირუსით დღეს, 30 სექტემბერს 37-ე პაციენტის გარდაიცვალა. ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის თქმით, გარდაცვლილი პაციენტი ქუთაისის საავადმყოფოში მკურნალობდა.
37-ე პაციენტი ქუთაისში გარდაიცვალა. ის კლინიკა „ბომონდში“ მკურნალობდა, იყო 69 წლის მამაკაცი, რომელსაც მძიმე ორმხრივი პნევმონია ჰქონდა, სასუნთქი სისტემის დაავადებების ფონზე მოციმციმე არითმია და პაციენტის გამოყვანა ვერ მოხერხდა და გარდაიცვალა - ამბობს მარინა ენდელაძე
ბოლო 24 საათში საქართველოში კორონავირუსით ინფიცირების 326 ახალი შემთხვევა დადასტურდა.
ბოლო მონაცემებით საქართველოში:
- კორონავირუსით ინფიცირებულია - 6192
- გამოჯანმრთელებულია - 2324
- მათ შორის გარდაცვლილია - 37
- კარანტინის რეჟიმში რჩება - 5413
- კოვიდ სასტუმროში მყოფი პირები - 869
- სტაციონარში მეთვალყურეობის ქვეშ - 836 მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 33 მილიონს გადააჭარბა, მათგან გამოჯანმრთელდა თითქმის 25 მილიონი ადამიანი და გარდაიცვალა 1 მილიონზე მეტი.
