პროკურატურა ზვიად ცეცხლაძის წინასასამართლო სხდომის ვადის გაგრძელებას ითხოვს | პროცესი შაბათს ჩაინიშნა
გამოქვეყნდა:
ახალგაზრდული მოძრაობა "დაფიონის" ლიდერის, ზვიად ცეცხლაძის წინასასამართლო პროცესი 11 იანვარს, დილის 10 საათზე ჩაინიშნა. ინფორმაციას დაკავებულის მამა ავრცელებს:
"შაბათ დღეს - 11 იანვარს 10:00 საათზე დაინიშნა ზვიადის სასამართლო პროცესი, პროკურატურის შუამდგომლობის საფუძველზე, წინა სასამართლო სხდომის ვადის გაგრძელების მოთხოვნით. ზვიადი თავის მეგობრებს და თანამებრძოლებს ელოდება სასამართლოს სხდომის დარბაზში." წერს ზურა ცეცხლაძე.
ზვიად ცეცხლაძე 4 დეკემბერს დააკავეს. ის აქციების აქტიური მონაწილეა. ცეცხლაძესა და მასთან ერთად დაკავებულ ახალგაზრდებს რეჟიმის მოსამართლე ირაკლი ხუსკივაძემ 6 დეკემბერს აღკვეთის სახით ორთვიანი წინასწარი პატიმრობა შეუფარდა.
ივანიშვილის შსს 19 წლის ახალგაზრდას ჯგუფური ძალადობის ორგანიზებას, ხელმძღვანელობას და ჯგუფურ ძალადობაში მონაწილეობას ედავება.
ზვიად ცეცხლაძეს 9 წლამდე პატიმრობა ემუქრება.
