ბათუმის საქალაქო სასამართლოში იმ პირების სასამართლო პროცესი მიმდინარეობს, რომელთაც 16 დეკემბრის აქციაზე გზის უკანონო გადაკეტვასა და აქციის ორგანიზებას ედავებიან. შსს აქციის მონაწილეებს: აზა გაბუნიას, თორნიკე კაკალაძეს, ნიკოლოზ მირცხულავას, ლაურა ქარცივაძეს, ირმა ზოიძეს და სხვებს საავტომობილო გზის ბლოკირებას ედავება.
აქციის მონაწილეების უფლებებს "საია" იცავს. აჭარის ორგანიზაციის თავმჯდომარის, თამარ წულუკიძის ინფორმაციით, მოსამართლეს 20- 20-წუთიანი შუალედი აქვს 11 პირის საქმის განსახილველად.
საქმეს ბათუმის საქალაქო სასამართლოს მოსამართლე ალექსანდრე გოგუაძე განიხილავს.
