კორონავირუსით გარდაცვლილი 2-ვე პაციენტი ქუთაისში მკურნალობდა, მათ თანმდევი დაავადებები ჰქონდათ

დღეს, 2 ოქტომბერს საქართველოში კორონავირუსით გარდაცვლილი ორივე პაციენტი ქუთაისის კლინიკა "ბომონდში" მკურნალობდა. გარდაცვლილთაგან ერთი 78 წლის ქალია, მეორე კი 72 წლის კაცი. საავადმყოფოს ინფორმაციით, ორივე მათგან თანმდევი დაავადებები ჰქონდათ.

78 წლის ქალს ორმხრივ მწვანე პნევმონიასთან ერთად, აღენიშნებოდა ქრონიკული უკმარისობა, ჰიდროპერიკარდიუმი და ხორხის სიმსივნე.

რაც შეეხება 72 წლის კაცს, მას ორმხრივი პოლისეგმენტური პნევმონია, სუნთქვის მწვავე უკმარისობა, გულსისხლძარღვთა მწვავე უკმარისობა, კარდიომიოპათია და ორმხრივი ჰიდროთორაქსი აღენიშნებოდა.

ამ დროისთვის კლინიკაში 90 კოვიდდადებით პაციენტს უტარდება მკურნალობის კურსი. გვყავს ორი კრიტიკულად მძიმე პაციენტი. აღნიშნული პაციენტების შემთხვევაში ფატალური შედეგის დადგომა თანმდევმა ქრონიკულმა დაავადებებმა გამოიწვია. მედიკოსების მაქსიმალური მცდელობისა და გატარებული რეანიმაციული ღონისძიებების მიუხედავად, სამწუხაროდ, მათი გადარჩენა ვერ მოხერხდა, -ამბობს “კლინიკა ბომონდი”-ს კლინიკური მენეჯერი მამია ყიფიანი.

შეგახსენებთ, რომ 2 ოქტომბერს საქართველოში კორონავირუსით ინფიცირები 453 ახალი შემთხვევა დადასტურდა, 295 ადამიანი კი გამოჯანმრთელდა.

ბოლო მონაცემებით:

• კორონავირუსით ინფიცირებულია - 7 093;
• გამოჯანმრთელებულია - 3 714;
• მათ შორის გარდაცვლილია - 43;
• კარანტინის რეჟიმში რჩება -  5 392; 
• კოვიდ სასტუმროში მყოფი პირები - 1 100;
• სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.

შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.