საქართველოში კორონავირუსით კიდევ 2 ადამიანი გარდაცვალა და დაღუპულთა საერთო რაოდენობა 50 გახდა. ამის შესახებ ინფორმაცია Stopcov.ge-ზე ცოტა ხნის წინ განახლდა.
გარდაცვლილი პაციენტების შესახებ დამატებითი ინფორმაცია ჯერ უცნობია.
აქვე, დღეს, 4 ოქტომბერს, საქართველოში კოვიდინფიცირების რეკორდულად მაღალი - 554 ახალი შემთხვევა დადასტურდა. ამასთან, გამოჯანმრთელდა 242 პაციენტი.
ბოლო მონაცემებით საქართველოში:
- კორონავირუსით ინფიცირებულია - 8 118
- გამოჯანმრთელებულია - 4 244
- მათ შორის გარდაცვლილია - 50;
- კარანტინის რეჟიმში რჩება - 5 392;
- კოვიდ სასტუმროში მყოფი პირები - 1 100;
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 35 მილიონს გადააჭარბა, მათგან გამოჯანმრთელდა თითქმის 27 მილიონი ადამიანი და გარდაიცვალა 1 მილიონზე მეტი.
